Friday, March 28, 2008
Thursday, March 27, 2008
Wednesday, March 26, 2008
ധ്രുവ നക്ഷത്രത്തെ കേരളത്തില് നിന്നു കാണാം !!
1.എപ്പോള് കാണാം ? എവിടെ കാണാം
വൈകീട്ട് ഏഴുമണി മുതല് പുലര്ച്ചെ ആറൂമണി വരെ വടക്കുദിശയില് 12 ഡിഗ്രി കോണീയ അകലത്തില് കാണാം .
ബാക്കി എല്ലാ നക്ഷത്ര ഗണങ്ങളുടേയും സ്ഥാനം മാറിയീട്ടുണ്ടാകും .ധ്രുവ നക്ഷത്രം മാത്രമാണ് ഭൂമിയില്നിന്നു നോക്കുമ്പോള് സ്ഥാന മാറ്റം സംഭവിക്കാത്ത ഏക നക്ഷത്രം
2.എങ്ങനെ കാണാം ?
സെക് സ്റ്റന്ഡ് ഉപയോഗിച്ച് ഒരു മണിക്കൂര് ഇടവിട്ട് നാലു മണിക്കൂറിനുള്ളില് നാലു പ്രാവശ്യം നിരീക്ഷിക്കുക . ഓരോ പ്രാവശ്യം നിരീക്ഷിക്കുമ്പോഴും സെക് സ്റ്റന്ഡിലെ കോണീയ അകലം രേഖപ്പേടുത്തിയിരിക്കും . നാലു മണിക്കൂറിനുള്ളില് നാലു പ്രാവശ്യം നിരീക്ഷിച്ച് രേഖപ്പേടൂത്തിയ കോണീയ അകലം ഒരേ കോണീയ അകല മാണെങ്കില് ( മദ്ധ്യ കേരളത്തില് 12 ഡിഗ്രി ) ആണെങ്കില് അത് ധ്രുവ നക്ഷത്ര മാണെന്ന് ഉറപ്പിക്കാം .
3. എന്താണ് സെക് സ്റ്റന്ഡ് ? അത് എങ്ങനെ ഉണ്ടാക്കാം ?
ഭൂമിയില് നിന്നു വീക്ഷിക്കുമ്പോള് ജ്യോതിര് ഗോളങ്ങളുടെ കോണീയ അകലം കണക്കാക്കുന്നതിനുള്ള ഉപകരണ മാണ് സെക് സ്റ്റന്ഡ് . 15 സെ. മി നീളവും ഉള്വ്യാസം അര ഇഞ്ച് ഉള്ള ഒരു പി.വി.സി പൈപ്പ് എടുക്കുക . അതിന്റെ ഒരു അഗ്രത്തില് വിടവുണ്ടാക്കി ആ വിടവിലൂടെ ഒരു മട്ടകോണ് ( കുട്ടികള് ഇന്സ് ട്രുമെന്റ് ബോക് സില് ഉപയോഗിക്കുന്നത് ) തിരുകിക്കയത്തി ടൈറ്റാക്കി പശവെച്ച് ഒട്ടിച്ച് ഉറപ്പിച്ചെടുക്കുക .മട്ടകോണിന്റെ മദ്ധ്യ പൂജ്യം ഡിഗ്രി അടയാളപ്പെടുത്തുക . ഇടത്തോട്ട് + കോണീയ അകലം 10 ,20 ,30.....എന്നിങ്ങനെ 90 വരെ അടയാളപ്പെടുത്തുക . മട്ടകോണിന്റെ മധ്യത്തില് (പൂജ്യം ഡിഗ്രി യില് തൂങ്ങിക്കിടക്കുന്ന വിധത്തില് ഒരു ചരട് കല്ലുമായി ബന്ധിച്ച് കെട്ടിയിടുക )
4. ഉപയോഗിക്കുന്ന വിധം
പി.വി.സി പെപ്പിനുള്ളിലൂടെ നോക്കുമ്പോള് ഏതു നക്ഷത്രത്തെ കാണുന്നുവോ ആ നക്ഷത്രത്തിന്റെ ചക്രവാളത്തില് നിന്നുള്ള കോണീയ അകലം ( ചക്രവാളത്തിന്റെ കോണീയ അകലം പുജ്യം ഡിഗ്രിയാണ് ) ചരട് സൂചിപ്പിക്കുന്ന അങ്കനത്തില് നിന്ന് നമുക്ക് മനസ്സിലാക്കാം.ഒരു പ്രദേശത്തെ പ്രാദേശിക സമയം ഉച്ചക്ക് 12 ആകുമ്പോള് കോണീയ അകലം 90 ഡിഗ്രി ആയിരിക്കും
.
Monday, March 24, 2008
നക്ഷത്രഗണങ്ങള് എങ്ങനെ തിരിച്ചറിയാം ?
ഏപ്രില് -മേയ് മാസത്തില് ഇവ ഓരോന്നും എപ്പോഴും എവിടെ കാണാമെന്നു പറയാം. നിരീക്ഷണം ആരംഭിക്കുന്നതിനു മുന്പ് കിഴക്കു പടിഞ്ഞാറും തെക്കുവടക്കും കഴിയുന്നത്ര തിട്ടപ്പെടൂത്തുക . നിരീക്ഷണ സമയത്ത് നമ്മൂടെ തലക്കുമുകളിലുള്ള സ്ഥാനത്തുനിന്നോ , ചക്രവാളത്തില് നിന്നോ കിഴക്കോട്ടോ പടിഞ്ഞാറോട്ടോ വടക്കോട്ടോ തെക്കോട്ടോ ഇത്ര ഡിഗ്രി എന്ന രീതിയില് നക്ഷത്ര സ്ഥാനങ്ങള് കുറിക്കാം . സന്ധ്യാ സമയത്ത് ഏതാണ്ട് ഏഴുമണിക്കാണ് നാം നക്ഷത്രം നോക്കാന് തുടങ്ങുന്നത് എങ്കില് വടക്കുകിഴക്കോട്ടുനോക്കിയാല് സപ്തര്ഷികളെ നന്നായി കാണാം. പടിഞ്ഞാറന് ചക്രവാളത്തിന്റേയും ഉച്ചിയുടേയും ( ശിരോ ബുന്ദുവിന്റ്യേയും) ഇടക്ക് ചക്രവാളത്തില് നിന്ന്
30 0 -- 40 0ഉയരത്തില് ഓറിയോണ് ഗണത്തെ ഒരു പ്രയാസവും കൂടാതെ കാണാം .ശിരോ ബിന്ദുവില്നിന്നും കിഴക്കന് ചക്രവാളത്തിനും ഇടക്ക് ഏതാണ്ട് 30 0 -- 40 0കിഴക്കുമാറി ചിങ്ങം ഗണത്തെ കാണാം .രാത്രി 9 മണിയോടുകൂടി വൃശ്ചികം ഉദിക്കാന് തുടങ്ങും . 10 നും 12 നും ഇടക്ക് തെക്കുകിഴക്കന് ചക്രവാളത്തില് വൃശ്ചികത്തേയും കാണാം. കസിയോപ്പിയ സൂര്യന്റെ ഒപ്പം ഉദിക്കുകയും അസ്തമിക്കുകയും ചെയുന്നതിനാല് ഏപ്രില് മാസത്തില് കാണാന് പ്രയാസം . മേയ് മാസത്തി ഇതേ സമയത്ത് ഈ ഗണങ്ങള് ആകെ 30 0 കൂടി പടിഞ്ഞാറോട്ട് നീങ്ങി കാണും . ഓറിയോണ് ചക്രവാളത്തിന്റെ അടുത്തെത്തിക്കാണും ( പടിഞ്ഞാറ് ) .ഓരോ മാസം കഴിയുമ്പോളും എല്ലാ ഗണങ്ങളുടേയും സ്ഥാനങ്ങള് ഒരേ സമയത്ത് നോക്കുകയാണെങ്കില് 30 0 വീതം പടിഞ്ഞാറോട്ട് മാറിയതായി കാണാം .സെക് സ്റ്റന്ഡ് ഉപയോഗിച്ചാല് മാനത്തെ ഡിഗ്രി അളക്കാം ..ചക്രവാളത്തില് നിന്നും കോണീയ അകലം അളക്കാം .ഇങ്ങനെ തുടങ്ങുക . ചിത്രങ്ങളുടെ സഹായത്തോടെ ഏതാനും പ്രമുഖ നക്ഷത്രങ്ങളേയും നക്ഷത്രഗണങ്ങളേയും ആദ്യം തിരിച്ചറിയുക. പിന്നീട് അവയുടെ സഹായത്തോടെ മറ്റു നക്ഷത്രങ്ങളെ തിരിച്ചറിയുക .
അടുത്ത പോസ്റ്റില് നക്ഷത്ര ഗണങ്ങളുടെ ചാര്ട്ട് , ചിത്രം എന്നിവ ഉണ്ടായിരിക്കും .